Ukraina ka filluar të pranojë raketa anti-anije Harpoon nga Danimarka dhe raketa vetëlëvizëse nga SHBA-ja, ka deklaruar ministri ukrainas i Mbrojtjes, Oleksii Reznikov.
“Mbrojtja bregdetare e vendit tonë nuk do të forcohet vetëm nga raketat Harpoon, por ato do të përdoren nga ekipe të trajnuara ukrainase”, shkroi Reznikov në faqen e tij në Facebook.
Reznikov tha se furnizimet me raketa Harpoon ishin rezultat i bashkëpunimit midis disa vendeve.
Ukraina ka kërkuar armë më të sofistikuara, por deri më tani pjesa më e madhe e ndihmës ka qenë me sistemet me rreze të shkurtër, si armët antitank.
SHBA-ja po shqyrton një kërkesë nga Ukraina për të furnizuar Kievin me armë më të rënda me rreze më të gjatë, por ende nuk ka marrë një vendim përfundimtar.
