Një tifoz holandez është arrestuar nga policia e Tiranës për veprën penale “Prodhimi dhe shitja e narkotikëve”.
Burime zyrtare njoftuan se ditën e djeshme, rreth orës 00:10, shërbimet e Policisë kanë marrë njoftim për një konflikt në rrugën “Abdi Toptani”. Pasi kanë shkuar në vendngjarje, shërbimet e Policisë kanë shoqëruar në ambientet e Komisariatit shtetasin holandez K.B.
Gjatë kontrollit fizik nga shërbimet e Policisë, atij iu gjet dhe iu sekuestrua, në cilësinë e provës materiale, një sasi lënde e dyshuar narkotike e llojit kokainë.
Në përfundim të veprimeve u bë arrestimi në flagrancë i holandezit, ndërsa materialet i kaluan Prokurorisë, për veprime të mëtejshme procedurale, njoftoi policia.
