Një ngjarje e rëndë është shënuar këtë pasdite në Liqenin e Prushit në Tiranë.
Dy fëmijë janë mbytur në liqen. Në këtë liqen në periferinë e Tiranës mësohet se kanë qenë duke u larë 6 fëmijë.
Nga ta, katër fëmijë kanë dalë nga liqeni, kurse dy të tjerët jo.
Edhe pse mosha e saktë e fëmijëve të mbytur nuk dihet me saktësi, ka dyshime se ata janë 13 dhe 11 vjec.
Policia, sapo ka marrë njoftimin ka shkuar në vendngjarje dhe ka nisur kërkimet.
Njëkohësisht drejt vendngjarjes janë nisur edhe polumbarët e Reneas, për të bërë të mundur gjetjen e trupave të dy të miturve. Grupi hetimor po punon për zbardhjen e plotë të rrethanave të ngjarjes.
Tiranë/Informacion shtesë
Në vijim të informacionit paraprak, i cili bënte fjalë për mbytjen e dy të miturve, në liqenin e Prushit, ju informojmë se:
Si rezultat i kërkimeve të kryera nga Polumbarët e Reneas u bë e mundur gjetja e trupave të pajetë të miturve M. T., 14 vjeç dhe K. T., 10 vjeç (vëllezër).
Grupi hetimor po punon për sqarimin e rrethanave të ngjarjes.
