Regjisori dhe pronari i motelit Morgan, Higby Night dëshmoi në gjyqin e Johnny Depp kundër Amber Heard ku më parë e kishte quajtur aktoren të çmendur dhe xheloze në një postim në Twitter.
Sipas People, Night më 21 prill ju përgjigj një postimi të ThatUmbrella që thoshte se Depp do të akuzohet për abuzim të Heard pasi e ka goditur atë për shkak xhelozie, ku ai shkroi se kjo nuk ishte e vërtetë.
“Kjo nuk ndodhi kurrë. Unë isha me ta gjithë natën. Amber ishte ajo që vepronte si xheloze dhe e çmendur.”-shkroi Night.
Në një moment, avokatja e Heard, Elaine Bredehoft e pyeti Night nëse ai ishte një fans i zjarrtë i Depp për të cilën ai u përgjigj me ‘jo, nuk jam’, gjë që shkaktoi të qeshura në sallë.
Night i tha gjykatës se ai asnjëherë nuk e ka parë Depp që të abuzojë fizikisht ndonjë person. Ai më vonë dëshmoi për një debat midis Depp dhe Heard që ai ishte dëshmitar, duke thënë:
“Ajo ishte e mërzitur me të dhe ajo po i bërtiste. Ai ishte disi i strukur dhe dukej pothuajse i frikësuar dhe ishte vërtet e çuditshme ta shihje sepse ai ishte më i madh se ajo padyshim”-tha Night.
