Spanja është vendi që ka numrin më të lartë të rasteve me linë e majmunit. Mjeku neurokirurg Kita Sallabanda thotë për televizonin Klan ky infeksion është më i përhapur në Madrid.
“Spanja është një nga vendet europiane që ka më tepër raste, 54 raste 30 vetëm në Madrid”. Ne mbyllëm një sauna në Madrid ku shkonin homoseksualët, 28 raste dolën nga ky vend, sepse ky virus shpërndahet me një kontakt të afërt midis njerëzve”.
Lija e majmunit është e përhapur kryesisht tek meshkujt në moshë aktive.
“Në Spanjë është 20-40 vjeç në meshkujt që kanë raporte seksuale me njëri-tjetrin. Sipas të dhënave në Spanjë, kemi vetëm një femër, rasti që pashë ishte 37 vjeç”.
Neurokirurgu shqiptar thotë se Spanja po ndjek të njëjtin protokoll si në rastet Covid me izolimin e të infektuarve.
“Po ndjekim protokollet, si për Covid për të parë të sëmurin, duhet të veshim uniformën e plotë dhe maskat PF2. Në periudhën që ata janë të infektuar duhet të rrinë të izoluar, të vihen në bokse të veçanta, duhet të trajtohen në spitale. Ne kemi hapur bokse të veçanta për izolimin e tyre”.
Lija e majmunit është përhapur tashmë në 15 shtete. Organizata Botërore e Shëndetësisë ka apeluar për të mos u bërë panik, pasi nuk është një sëmundje e rrezikshme.
