Tjetër përplasje pranë pallatit me Shigjeta. Raportohet se tifozët holandezë janë përfshirë në një tjetër sherr pranë një hoteli të njohur në këtë zonë të Tiranës.
Më herët, tifozët e përqendruar te rruga ‘Mustafa Matohiti’ janë përleshur me policinë, në momentin kur tentuan të marshojnë në këmbë drejt tifozëve të Romës, pranë stadiumit.
Ata kanë qëlluar me gur dhe shkopinj drejt policisë, duke plagosur një efektiv. Policia ka ndërhyrë duke shpërndarë tifozët në disa rrugica.
Mësohet se janë rreth 200 tifozë problematikë, mbështetës të ekipit nga Rotterdami i Holandës. Ata janë në gjendje të dehur.
