Prezantueset në televizionet afgane duhet të mbuojnë fytyrën sipas vendimit më të fundit të marrë nga talebanët në pushtet. Urdhëri është pjesë e një dekreti të publikuar orët e fundit sipas konfirmimit të zëdhënësit të policisë fetare.
Lajmi vjen dy javë pasi të gjitha grave iu urdhërua të mbulohen kur dalin në publik. Në rast të kundërt duhet të ndëshkohen. Gjithashtu femrave nuk iu lejohet të udhëtojnë të pashoqëruara nga të afërm meshkuj.
Dekreti i ri shkaktoi shumë kritika në Twiitter dhe shumë e konsiderojnë një tjetër hap të talebanëve për të promovuar ekstremizmin.
