Gjyqi i Johnny Depp kundër ish-gruas së tij, Amber Heard, mori vëmendje të madhe së fundmi me shfaqjen e një gruaje e cila mbante një fëmijë në dorë dhe bërtiti në drejtim të aktorit: “Ky fëmijë është i yti”.
Shpërthimi e të bërtiturat e gruas së paidentifikuar erdhën gjatë një pushimi në momentin kur avokatja Pennet Azcarate u largua nga salla e gjyqit.
“Johnny, të dua. Shpirtrat tanë janë të lidhur”, bërtiti gruaja.
Depp thjesht u kthye nga ajo, buzëqeshi dhe te përshëndeti me dorë.
Gruaja më pas mbajti fëmijën dhe pretendoi se Depp ishte babai i foshnjës në fjalë, derisa u shoqërua që të largohej nga salla.
Sipas një gazetari të Law & Crime , gruaja më vonë tha se po bënte shaka.
