Tapeti i kuq i “Festivalit të Filmit në Kanë” është rikthyer sërish në një shesh protestash duke përjetuar incidentin e dytë brenda pak ditëve.
Disa vajza dhe gra shpalosën një pankartë të madhe në premierën e thrillerit “Holy Spider”, teksa lëshuan edhe tym të zi. Pankarta paraqiste 129 viktima(vajza dhe gra të vrara) që nga Festivali i fundit i Kanës – në një referencë të dukshme për numrin e vrasjeve në familje në Francë.
Kjo është protesta e dytë që zhvillohet në Kanë këtë javë. Të premten, premiera e “Three Thousand Years Of Longing” e George Miller u ndërpre nga një grua që protestoi kundër dhunës seksuale gjatë luftës në Ukrainë.
Gruaja u shfaq nudo e lyer me ngjyrat e flamurit të Ukrainës teksa kishte shkruar “Ndaloni së përdhunuari”. Rojet e sigurisë e rrethuan shpejt dhe e hoqën nga tapeti i kuq.
