Një shpërthim i fuqishëm me lëndë eksplozive ka tronditur banorët e Radhimës në Vlorës në orët e para të mëngjesit.
Sipas të dhënave paraprake, shpërthimi është shkaktuar nga një sasi tritoli që ishte vendosur në një lokal në zonën turistike, i njohur me emrin “Odeon 2”.
Nga shpërthimi nuk raportohen persona të lënduar, ndërkohë që policia ka shkuar në vendngjarje dhe po heton për gjetjen e autorëve të dyshuar.
Mësohet se lokali ku ndodhi shpërthimi është në pronësi të shtetasit Gjik Novruzi, ndërkohë që ishte marrë me qira së fundmi nga disa persona nga Elbasani.
“Rreth orës 02:30, në fshatin Radhimë,Vlorë, në lokalin e shtetasit Gj. N., të marrë me qira nga shtetasi S. Sh., ka shpërthyer një sasi lënde, e dyshuare eksplozive, ku si pasojë ka vetëm dëme materiale. Grupi hetimor ndodhet në vendngjarje dhe po punon për zbardhjen e rrethanave të ngjarjes”, thuhet në njoftimin e policisë.
