Ekipi ligjor i aktorit Johnny Depp ka përfunduar marrjen në pyetje të ish-bashkëshortes së tij, Amber Heard. Ata kanë vënë në fokus marrëdhënien e aktores së famshme me James Franco dhe e kanë akuzuar se kishte abuzuar me ish-të dashurën e saj, Tasya van Ree, në vitin 2009.
“Johnny Depp nuk është i vetmi partner i juaji që keni sulmuar”, tha avokatja e Depp, Camille Vasquez, të cilës Heard iu kundërpërgjigj: “Unë kurrë nuk kam sulmuar ndonjë partner. Unë kurrë nuk e kam sulmuar zotin Depp apo ndonjë person tjetër me të cilin kam qenë e lidhur”, tha aktorja e famshme ndërsa Vasquez shtoi: “Nuk ka pyetje të tjera”, duke përfunduar dy ditë marrje në pyetje.
“Daily Mail” shkruan se më herët Vasquez e pyeti Heardin se pse James Franco e vizitoi atë në apartamentin e saj në Los Angeles në maj të vitit 2016, një ditë pas debatit të dhunshëm me Depp që ishte pika e fundit në martesën e tyre.
Jurisë iu shfaq video e Frankos dhe Heardit në ashensorin e pallatit.
”E dinit që zoti Depp ishte jashtë qytetit më 22 maj 2016, apo jo?” Vasquez e pyeti Heardin, duke shtuar se vizita erdhi një ditë pasi ajo ndryshoi bravat. “Nuk e dija orarin e tij,” u përgjigj ajo. “Ai ishte miku im dhe jetonte pranë nesh. E kisha shteruar rrjetin tim të mbështetjes dhe isha e lumtur të mirëprisja sa më shumë miqësi që të kisha mundësi.’
Në klip ai shihet duke vënë kokën mbi shpatullën e Heard-it. Heard tha: “Pasi pas fytyrën time, vuri kokën mbi supin tim. Më preku edhe anën e fytyrës’.
Heard pretendon se Depp e qëlloi me një telefon një natë më parë, duke i lënë një mavijosje në faqe. Ajo i tha gjykatës se Franko ‘preku anash fytyrës sime dhe iu përgjigj asaj që pa’.
