Finalja e Europa League mes Eintraht Frankfurt dhe Glasgow Rangers është paraprirë nga një përplasje e dhunshme mes tifozerive të dy skuadrave në rrugët e Seviljes, qytetit ku zhvillohet finalja.
Mbështetësit e dy ekipeve kanë pushtuar këtë qytet dhe në drekën e sotme, janë ndeshur mes tyre në një nga zonat e bareve të Seviljes. Pamjet e regjistruara nga qytetarët tregojnë një përplasje të dhunshme mes ultrasve të cilët nuk kanë kursyer edhe goditjet me sende të forta ndaj njëri-tjetrit, derisa mbërritën trupat e policisë spanjolle që i ndanë.
