Eintracht Frankfurt i është përgjigjur golit të Rangers duke rikthyer baraspeshën në finalen e Europa League.
Fillimisht në avantazh kaluan skocezët në minutën e 57-të. Joe Aribo përfiton nga një gabim nga lojtarët e Frankfurtit dhe vetëm për vetëm me Trap nuk gabon, për të zhbllokuar finalen.
Gjithsesi, ky avantazh nuk do të zgjaste shumë pasi në minutën e 69-të, gjermanët shënojnë golin e barazimit. Borre merr një top të bukur në zonë nga Kostiç dhe arrin të tregohet i vëmendshëm për ta çuar topin në rrjetë.
