Një 65-vjeçar ka humbur jetën këtë të Mërkurë pasi ka rënë nga tarraca e një banese në Tepelenë.
Policia njoftoi se rreth orës 13:45, në lagjen “Kala”, shtetasi B.Z., 65 vjeç, duke kryer disa riparime në tarracën e banesës së tij, ka rënë nga tarraca dhe për pasojë ka humbur jetën.
Në vendngjarje ndodhet grupi hetimor, i cili po punon për sqarimin e rrethanave të situatës, shtuan të njëjtat burime.
