Shqipëria u përfaqësua në Eurovision nga Ronela Hajati pas fitores në Festivalin e RTSH-së duke lënë pas këngëtarin Alban Ramosaj. Ronela nuk arrit të kualifikohet në finale duke u eliminuar në gjysmëfinale.
Për këtë ka folur edhe këngëtarja e njohur shqiptare, tezja e Albanit, Albërie Hadërgjonaj. Hadërgjonaj u shpreh se nëse Albani do të ishte ai që do të përfaqësonte Shqipërinë këtë vit të paktën do të arrinte në finalen e madhe. Por, Albëria tha se asnjëherë nuk ka qenë kudër Ronelës dhe se e vlerëson si artiste.
“Janë dyndur portalet për diçka që nuk e kam thënë. Do ta them shumë sinqerisht mendimin tim. Albani, si pikë e parë, është nipi im, fëmija im. Ajo këngë u rrit në familje. Kam përshtypjen se po të kishte fituar Albani festivalin, të paktën do hynte në finale (Eurovision)”, u shpreh Hadërgjonaj.
