Besart Ibraimi është një nga emrat e përfolur për t’iu bashkuar Partizanit. Ditën e djeshme mediet në Maqedoninë e Veriut bënin me dije se të kuqtë duan shërbimet e sulmuesit 35-vjeçar. Ndërsa sot, është sërish “Infosport.mk” që raporton se lojtari u ka vënë kusht kryeqytetasve pjesëmarrjen në Europë.
Bisedimet mes palëve aktualisht janë “ngrirë”, ndërsa mund të nisin sërish pas përfundimit të sezonit. Kujtojmë që aktualisht Partizani gjendet në vendin e tretë me 52 pikë, 3 më shumë se Kukësi dhe Vllaznia që renditen përkatësisht në vendin e katërt dhe të pestë.
