Ministrja e Jashtme e Gjermanisë, Annalena Baerbock, ka ripërsëritur thirrjet e saj për integrimin sa më parë në BE të vendeve të Ballkanit Perëndimor.
Baerbock theksoi në një deklaratë, se veçanërisht në periudhën ku ndodhemi, mbështetja për vendet e Ballkanit Perëndimor në rrugën e tyre drejt BE-së, është një çështje kyçe e sigurisë dhe e gjeopolitikës.
Ministria gjermane, më tej, shprehet se duhet të përmbushen premtimet ndaj këtyre vendeve dhe të fillojnë sa më parë negociatat e vonuara për anëtarësim me Shqipërinë dhe Maqedoninë e Veriut.
