Sezoni futbollistik nuk ka përfunduar ende, megjithatë fjalët e para të merkatos kanë nisur të qarkullojnë. Partizani është një nga klubet që pritet me interes të shihet se kush do të jenë përforcimet e verës. Besart Ibraimi ka dalë në skenë së fundmi, për të cilin raportohet se kryeqytetasit kanë nisur kontaktet e para. Siç shkruan “infosport.mk”, sulmuesi kërçovar shihet si i duhuri për repartin e ofensivës.
Megjithatë problem mbetet vetëm paga e lartë e tij. Kujtojmë që 35-vjeçari ka një eksperiencë të madhe në futbollin e luajtur, duke kontribuar për disa vite te Shkëndija e Tetovës. Më parë ka provuar të veshë fanelën e Vëllazërimit dhe Napredokut, Renovës, në Gjermani ka luajtur me Schalke 04, Sevastopol, Tavriya, Metalurg, Zaporozhje, EN Paralimniou, Ermis dhe së fundmi në Greqi me Ksantin.
