Realdo Fili ka vendosur të largohet nga klubi i Botoshanit. Sulmuesi shqiptar, i cili u transferua në fillimin e vitit 2000 në radhët e klubit rumun, ka vendosur të mos rinovojë me këtë skuadër, duke kërkuar një eksperiencë të re, edhe pse nuk dihet ende destinacioni i tij i radhës.
Fili, i cili në vendin tonë ka luajtur me Apoloninë, Partizanin, Kamzën, Skënderbeun dhe Luftëtarin, ka luajtur 55 ndeshje në kampionat me Botoshanin, duke shënuar 8 gola me këtë skuadër e duke e ndihmuar që të siguronte qetësisht mbijetesën në elitë.
“Dua të falënderoj Botoshanin për këto 2 vite e gjysmë të mrekullueshëm. Faleminderit të gjithëve që punuan me mua gjatë kësaj periudhe, të gjithë stafit dhe lojtarëve që më ndihmuan të rritem, të mësoj dhe gjithmonë më bënë të ndjehem si në shtëpi. Isha i nderuar që isha një prej jush”, shkruante Fili në postimin e “lamtumirës” nga klubi rumun.
