Rusia ka hedhur bomba fosfori mbi fabrikën e çelikut Azovstal në Mariupol, si shenjë “hakmarrje”, pasi Ukraina fitoi në Eurovizion, kanë bërë të ditur autoritetet ukrainase.
“Ferri ka ardhur në Tokë. Në Azovstal”, ka shkruar përfaqësuesi i komunës së Mariupolit, Petro Andriushchenko në Telegram, ku edhe postoi një video të sulmit ku shihen duke rënë bombat mbi fabrikë.
Andriushchenko gjithashtu ka publikuar imazhet e bombave ruse me mbishkrim, që sipas tij janë hedhur mbi fabrikë si kundërpërgjigje ndaj fitores së Ukrainës në Evrovizion që u mbajt në qytetin italian – Torino.
Ukraina po ballafaqohet me agresionin rus që nga 24 shkurti, kur presidentit rus Vladimir Putin urdhëroi ushtrinë të fillojë pushtimin e Ukrainës.
