Rikthehen pionerët e Enverit. Fotot e mëposhtme tregojnë se çfarë ndodh në Cërrik në vitin 2022, plot 32 vjet nga shembja e diktaturës komuniste.
Në fakt propaganda vijon, dhe 9 vitet e qeverisjes së Shqipërisë nga socialistët, pasardhës të PPSH-së, kanë treguar se fotot e diktatorit Enver Hoxha dhe çdo simbol komunist në ceremoni të ndryshme është një fenomen krejt normal.
Në një aktivitet të organizuar në Cërrik, shfaqen jo vetëm nxënës, por edhe shumë të tjerë me shallin e kuq në qafë, i cili në kohën e diktaturës ishte një nga simbolet që i vihej me detyrim çdo nxënësi nga klasa e 5-të duke u quajtur “pionerët e Enverit”. Sot ndoshta ato quhen pionerët e Rilindjes ose Edvinit.
Dhe si të mos mjaftonte shalli i kuq, një grup nxënësish janë detyruar që në prani të Kryebashkiakut dhe deputetit të bëjnv roje nderi në një lapidar, njëlloj si dikur kur bëhej roje nderi në varrin e diktatorit Enver Hoxha.
Skandali është më i gjerë, pasi këto shfaqej komuniste janë bërë edhe në sy të kryebashkiakut të Cërrikut dhe atij të Elbasanit, i cili ka qenë i ftuar.
Dhe e gjithë ceremonia që duket se ka mbledhur nostalgjikët e regjimit kishte lidhje me 79-vjetorin e krijimit të Batalionit Partizan të Dumresë.
E gjithë kjo zhvillohet në një kohë kur nga segmente brenda opozitës, në negociatat që drejtohen nga Taulant Balla, Erisa Spiropali dhe Damian Gjiknuri, kërkojnë nga socialistët që Presidenti i ri të mos jetë komunist.
