Ditën e shtunë vendi do të ndikohet nga qarkullimi i masave ajrore të paqëndrueshme. Moti do të nisë me kthjellime e gradualisht në mesditë e pasdite vranësirat do të vijnë në dendësim. Gjatë këtyre orëve në zonat malore e kodrinore priten reshje shiu e shtrëngata, parashikon Shërbimi Meteorologjik Ushtarak.
Edhe të dielën do të vijojë ndikimi i masave ajrore relativisht të paqëndrueshme. Orët e mëngjesit do të jenë kryesisht të kthjellëta, por në mesditë e pasdite kryesisht në jug e juglindje parashikohet dendësim vranësirash dhe reshje shiu.
Temperaturat do të pësojnë luhatje.
Era do të fryjë kryesisht me drejtim juglindje-veriperëndim e lehtë e përkohësisht mesatare në bregdet e gjatë shtrëngatave. Valëzimi në dete parashikohet i forcës 2 ballë.
