Të paktën shtatë persona janë vrarë nga të shtënat në një supermarket në shtetin e Nju Jorkut, raportojnë mediat amerikane.
Policia është në vendin e ngjarjes në qytetin e Buffalo dhe thotë se një i dyshuar është arrestuar.
Oficerët besojnë se personi i armatosur hyri në supermarket të shtunën pasdite përpara se të hapte zjarr me një pushkë, sipas Associated Press.
Disa persona u qëlluan në incident, tha policia, pa dhënë detaje të mëtejshme.
Por zyrtarë të paidentifikuar të zbatimit të ligjit thanë për mediat amerikane, përfshirë NBC News dhe Associated Press, se të paktën shtatë persona ishin vrarë.
Guvernatorja e Nju Jorkut, Kathy Hochul tha se po monitoronte situatën dhe u kërkoi banorëve të shmangnin zonën.
