Një person i shpallur në kërkim ndërkombëtar është arrestuar në Muriqan.
Në pranga u vu Bindi Agolli, 30 vjeç, banues në Kosovë.
“Ky shtetas ishte shpallur në kërkim ndërkombëtar, pasi Gjykata e Jonkoping/Suedi, me vendimin e datës 29.04.2021, e ka dënuar këtë shtetas me 2 vite e 4 muaj burgim, për veprat penale ‘Mashtrimi’, ‘Heqja e paligjshme e lirisë’, ‘Vjedhja’ dhe ’Shkelja e ligjit për narkotikët’, parashikuar nga Kodi Penal i Suedisë”, njoftoi policia.
Materialet iu referuan Prokurorisë pranë Gjykatë së Shkallës së Parë Shkodër, për veprime të mëtejshme, me qëllim ekstradimi në shtetin suedez, shtuan të njëjtat burime.
