Këtë të Premte, u zhvilluan takime mes përfaqësuesve të 2 nga 3 grupet parlamentare të opozitës në Kuvend dhe atyre të mazhorancës.
Socialistët takuan Fatmir Mediun dhe Mesia Dodën e Shpëtim Idrizin.
Balla tha se Fatmir Mediu ka propozuar që të ketë një diskutim të gjerë më partitë opozitare për të dalë me disa propozime të përbashkëta nga ana e opozitës.
“Bashkë me kolegët Gjiknuri dhe Spiropali kemi zhvilluar sot një raund të dytë takimesh me 2 nga 3 grupet parlamentare të opozitës. Sikurse ju kanë komunikuar dhe kolegët e opozitës që kemi takuar, PS e ka dëshmuar dhe sot disponibilitetin për të kaluar për diskutime për emra korrektë për Presidentin e ri. Mediu na ka informuar dhe për një qasje për të ardhur me disa emra nga ana e opozitës”, tha Balla.
Balla shtoi se të hënën nuk do të shkohet në seancë me një emër të propozuar vetëm nga partia e tij. “Do të vrisnim procesin. Kemi rënë dakord të ulemi përsë4ri në ditët në vijim, madje në orët në vijim, që të ulemi për emrin”, u shpreh Balla.
Referuar afateve ligjore, brenda 10 ditëve parlamenti duhet të zgjedhë kreun e ri të shtetit, konfirmoi kreu i grupit parlamentar socialist.
