Bujar Kapexhiu, i mirënjohur për karikaturat e tij, ka thumbuar dy deputetët Enkelejd Alibeaj dhe Gazment Bardhi, për sjelljen dhe qëndrimet që ato shfaqin në raport me Partinë Demokratike.
Si Bardhi ashtu edhe Alibeaj janë thjesht deputetë të partisë më të madhe opozitare, por ato vijojnë të sillen si funksionarë drejtues të PD-së.
Bardhi shfaqet si Sekretar i Përgjithshëm, ndërsa Alibeaj si i komanduar prej tij në krye të PD-së, edhe pse kjo forcë politike ka hyrë në një cikël të ri, ku drejtimin e ka Komisioni i Rithemelimit, ndërsa Këshilli Kombëtar pritet të mblidhet për zgjedhjen e kryesisë, nënkryetarëve dhe sekretariatin e partisë.
Ajo që duket se propozon Kapexhiu në punimin e tij është nxjerrja jashtë e dy deputetëve nga PD. Në karikaturën më të fundit, shfaqet dy deputetët që nxirren jashtë selisë, madje me shkelm nga pas.
