Sonila Meço, e ftuar në “Goca e Gra”, foli për marrëdhënien me partnerin e saj, Drinin dhe “sekretin” e lidhjes së tyre afatgjatë.
Pas plot 21 vitesh martesë, Sonila ka treguar se gjërat kanë ndryshuar shumë nga fillimi. Ajo madje rrëfeu se çfarë mendon se e mbajti të fortë lidhjen mes tyre.
“Unë kam mjaftueshëm vite e lidhur me bashkëshortin dhe ka pasur disa ngjarje të rëndësishme që nuk i kanë lënë kohë martesës.
Në fillim kam menduar që Drini ishte zgjidhja më e mirë për mua, sepse ishte mbështetja ime më e madhe, ishte i qetë. Më mbronte edhe profesionalisht.
Kaloi pak kohë dhe kuptova që nuk mund të punoj në të njëjtin vend me të dhe u mësova me idenë që nuk e kam më në punë, por mund ta pyes për gjithçka. Kuptova që vetëmjaftueshmëria ime është kushti i vetëm që do të mbante të fortë lidhjen me Drinin. Ndoshta edhe Drini më ka parë me këtë sy” -tha Sonila.
