Deputeti i PD, Oerd Bylykbashi, përmes rrjeteve sociale ka thumbuar Kryeministrin Edi Rama, lidhur me deklaratat e tij të ditëve dhe javëve të fundit, ku shfaqet herë sikur i kërkon llogari SPAK dhe herë sikur ushtron presion ndaj Prokurorisë Speciale.
Bylykbashi pyet se për kë bien këmbanat, ndërsa më pas sërisht shtron pyetjen “pse po lehin “qentë” e pushtetit këto ditë? Çfarë i ka trazuar?”.
Postimi nga Oerd Bylykbashi
Për kë bien këmbanat?
Titulli i romanit të famshëm të Heminguej më erdhi në mendje tek degjoja Ramën që ndërsa fliste i sikletosur për drejtësinë e tij të re, të thoshte: “Këtu sa më urtë e sa më konstruktiv të jesh, aq më lehtësisht të godasin.
Sa më shumë të bësh rolin e qenit, aq më shumë thonë prit se do na lehi më fort”.
Pse po lehin “qentë” e pushtetit këto ditë? Çfarë i ka trazuar?
