Një person ka mbetur i plagosur në një aksident në fshatin Kallm të Fierit.
I lënduari, një 65-vjeçar, raportohet se ishte duke lëvizur me biçikletë që është përplasur me një automjet.
“Sot rreth orës 09:20, në fshatin Kallm, shtetasi A.Ç., 33 vjeç, duke drejtuar automjetin tip ‘Volkswagen’ ka aksidentuar shtetasin Q. H., 65 vjeç, banues në Kallm, i cili ishte duke udhëtuar me biçikletë. 65-vjeçari ndodhet në spital nën kujdesin e mjekëve, ndërsa drejtuesi i automjetit është shoqëruar në Komisariatin e Policisë Fier. Grupi hetimor po punon për zbardhjen e shkaqeve të aksidentit”, thuhet në njoftimin e policisë.
