Analisti Andi Bushati ka hedhur dyshime se Klodian Zoto është lajmëruar nga autoritetet se do të arrestohej dhe është arratisur para se kjo të ndodhë,
Në emisionin “Të Paekspozuarit”, Bushati tha se Zoto i ka patur zyrat ngjitur me ato të redaksisë së medias që ai drejton dhe se është dëshmitar që ai është larguar nga kjo zyrë rreth një muaj para urdhër arrestit.
“Zyrën e Klodian Zotos, unë e kam patur ngjitur, na ndante një mur me zyrën e Lapsit, një muaj përpara ka mbledhur plaçkat, ka ikur. U mbyll zyra, pra një njeri që e dinte shumë mirë se çfarë do ndodhte pas një muaji. Tani ky nuk është automatikisht fakt, por çdo njeri që ka mend në kokë, të paktën e ngre një dyshim, ore burri botës kishte katër vjet atje, si iku një muaj para se SPAK-u, ta arresonte? Rastësi?”, tha Bushati.
