Partizani humbi më 7 maj ndeshjen derbi ndaj Tiranës me rezultatin 1-2. Takimi i luajtur në “Elbasan Arena” i dha tre pikë bardhebluve që u shpallën matematikisht kampion. Të kuqtë nuk arritën ta menaxhonin avantazhin e fituar në minutën e 20’ të takimit. E gjithë familja e kuqe e përjetoi këtë humbje që i dha trofeun e kampionit rivalëve në takimin e drejtpërdrejt.
Tifozët nuk pritet ta kapërdijnë aq lehtë këtë humbje që ju shtua sezonit të dështuar. Për këtë Eneo Bitri që u afrua në merkaton e janarit, ka postuar një foto nga derbi me mesazh “Harro dhe ec përpara”. Ky mesazh mesa duket i drejtohet vetes së tij, por dhe gjithë familjes së kuqe që u prek nga ndeshja e fundit.
