Ish-kryeministri Sali Berisha në një konferencë me gazetarët, tha se në fondin e emergjencës janë marrë 7 milionë euro për festa e ahengje.
“Çdo ditë del një skandal. Është ndërhyrë në buxhetin e shtetit, për të krijuar fonde të rezistencës sociale thotë, por çfarë na del? Na del fondi i ahengjeve sociale, i orgjive sociale, a mund të imagjinoni ju që nga fondi i emergjencës, të merren 7 milionë euro vetëm për festa dhe ahengje të bashkisë dhe ministres së kulturës, të tjerët vazhdojnë marrin bukën me listë”, tha ai.
Berisha shtoi më tej se kjo është e dënueshme me çdo ligj të vendit, pasi fondi nga taksat e qytetarëve përdoret vetëm në emergjenca.
