Ibsen Elezi ka anuluar konferencën e tij për shtyp ditën e sotme pasi asnjë gazetar nuk ka qenë i pranishëm.
Elezi tha se nuk është në dinjitetin e tyre të mos pasqyrojnë një fushatë elektorale duke qenë se ai ka shpallur kandidaturën e tij për kreun e PD-së.
Elezi zyrtarizoi kandidaturën e tij, duke u shprehur se në garë nuk futet për të fituar, por si një formë reagimi. Zgjedhjet për kryetar të PD mbahen më 22 maj, datë që u miratua në Kuvendin Kombëtar të thirrur nga Rithemelimi më 30 prill.
Deklarata
Më vjen keq por po e anuloj konferencën për shtyp, sepse asnjë gazetar nuk është i pranishëm. Duhet të ndodhte dhe kjo, do t’ju kërkoja korrektësi në pasqyrimin e kësaj fushate elektorale.
Unë nuk kam dalë si manekin për të biseduar përmes rrjeteve sociale, është në dinjitetin e gazetarëve të jenë prezent, se është garë e rëndësishme dhe pse po mundohen ti vënë epitete të ndryshme.
Ka epitete se unë kam hyrë formalisht, jam i shitur e me radhë. Është e dyta herë, edhe dje u surprizova por sot jam i detyruar ta anuloj.
