“Prej shumë kohësh nuk luajmë një finale në Europë prandaj për ne është shumë e rëndësishme të ngremë një trofe. Duhet të shkojmë në Tiranë me dëshirë dhe të luftojmë deri në fund për t’ia dalë mbanë. Po, do të jem në Tiranë”.
Këto janë fjalët e legjendës së Romës dhe Italisë, Francesco Totti i pyetur nga gazetarët rreth pritshmërive që ai ka nga ndeshja e 25 majit ku skuadra e zemrës së tij riktyhehet në një finale europiane pas 31 vitesh.
Në këtë mënyrë, numri 10 konfirmon praninë e tij në kryeqytetin shqiptar që do ta vizitojë për herë të parë.
