Këngëtarja Eli Fara humbi nënën e saj në nëntor të vitit 2020 pasi u infektua me Covid-19.
Për tre muaj me rradhë, këngëtarja vendosi ta kuronte në shtëpi të ëmën dhe jeta e saj u zgjat edhe për disa muaj të tjerë. Teksa rrëfeu përkujdesin ndaj saj dhe netët pa gjumë, e ftuar te “Rudina”, këngëtarja u përlot ndërsa kujtoi ndjesinë pas ceremonisë mortore.
“Nuk pajtohem akoma me idenë që nuk është. Ditën që ndërroi jetë, e përkëdhelja tërë kohës, më dukej sikur e kisha prapë aty para meje në shtëpi siç kisha bërë netë pafund. Pastaj kur bëmë varrimin dhe u ktheva në shtëpi, u hodha mbi krevatin e saj ku kemi gdhirë shumë net bashkë. Nuk di.”– tha Eli.
