Kryeministri Edi Rama, përmes rrjeteve sociale, ka folur mbi takimin që zhvilloi me Hashim Thaçin, në paraburgimin e Hagës, atje ku ish-Presidenti i Kosovës ndodhet me akuza për krime lufte.
“Ishte një çmallje e nevojshme. Presidentin Thaçi e gjeta në top formë. Kur e kam takuar para se të vinte këtu që ishte një rrugë e pashmangshme për të provuar katërcipërisht para drejtësisë pastërtinë e plotë të luftës Clirimtare dhe natyrisht edhe pastërtinë e idealit të luftëtarëve dhe udhëheqësve të UCK”, thotë Rama në mesazhin e tij.
Në vijim ai shprehet se që të gjithë ne jemi të bindur se lufta çlirimtare e Kosovës nuk mund të rishkruhet e as nuk mund kurrsesi të futet në korniza të tjera se ajo është tanimë e futur në kornizën e artë të heroizmit, sakrificave, gjakut të dhënë e të gjitha përpjekjeve që kanë vijuar më tej për Kosovën e lirë demokratike e sovrane.
