Pas mbledhjes së ‘Rithemelimit’ në selinë blu, ish-kryeministri Sali Berisha deklaroi për mediat se është vendosur një tjetër taksë e pandershme ndaj qytetarëve nga kjo qeveri.
Berisha theksoi se nëpërmjet E-Albania qytetarët po paguajnë 5 euro më shumë për të marrë një certefikatë, pa llogaritur mijëra të tjerë të cilët nuk kanë akses në internet.
“Dua të denoncoj këtë taksë aburde ndaj shqiptarëve”, tha Berisha.
Deklarata e ish-Kryeministrit
Gjej rastin sot të denoncoj taksën e re që kjo qeveri ka vendosur mbi shqiptarët nëpërmjet E-Albania.
Qindra, mijëra që nuk kanë internet në shtëpi apo smartphone, detyrohen të shkojnë në zyra për të tërhequr dokumentet. Nëse më parë paguhej 5 euro çertefikatën sot 10 euro dhe kjo është shumë e pandershme.
Në vitin 2012, u hapën 1250 pika falas internet për popullatën, kjo bëri të mundur aksesin në internet thuajse tek të gjithë. Sot që projekti u kompletua pas 9 vitesh, na rezulton se qytetarët që nuk kanë internet detyrohen të pagujnë 10 euro. Kjo taksë absurde duhet të marë fund.
