Deputetja Mesila Doda këmbënguli sot gjatë mbledhjes së Konferencës së Kryetarëve që Presidenti i ri të mos ketë të kaluar komuniste si dhe nënvizoi përfshirjen e të gjithëve në këtë debat.
“Presidenti duhet të jetë njeri që nuk vjen nga background të të kaluarës së diktaturës komuniste në vend. Ka shumë njerëz që janë dinjitoz dhe që përfaqësojnë të ardhmen e vendit”, tha ajo.
Në vijim, deputetja e opozitës u shpreh se përpara se të nisë diskutimi mbi datën se kur do të kryhet raundi i parë i votimit, duhet të nisim një proces të konsultimeve me grupet parlamentare dhe partitë politike.
“Nuk ka arsye pse të përjashtohen. Le ta kthejmë në një moment jo përplasjeje por në një moment të mirë që sot është akoma në hullinjtë e një jete normale politike. Duhet të jetë moment i mirë kur të gjithë të jenë të dakordësuar me këtë figurë”, tha ajo.
