Einxhel Shkira dhe Beatrix Ramosaj kishin një marrëdhënie të mirë në “BBV”, por këngëtarja mbajti anën e Donaldit pas sherrit të ashpër me moderatoren.
Donaldi dhe Einxhel patën një nga debatët më të fortë, duke krisur njëherë e mirë marrëdhënien e tyre. Einxhel tha se Donaldi e ka përdorur për lojë Beatrix dhe kjo e fundit nuk e priti mirë këtë deklaratë. Beatrix mbështeti publikisht Donaldin duke shkruar: “Ti i ha sherret e debatet për mëngjes. Je më i vërteti aty brenda. Qëndro i fortë! Me ty deri në fund!”
Së fundmi, Beatrix ka bërë deklaratën e papritur për Einxhel në Twitter ku shprehet: “Einxhel ishte aty për mua kur askush tjetër nuk ishte. Ne kemi gabimet tona por në fund çfarë vlen janë qëllimet e mira prapa tyre. E dua me gjithë zemrën. Ne jetojmë dhe mësojmë, kjo është moto”.
Einxhel ia kthen: ”Unë vetëm doja të jesh e lumtur dhe këtë e doje për mua gjithashtu. Jam e sigurtë për këtë sepse e kam parë në sytë e tu qindra herë. Dhe kjo është çka vlen për mua tani”.
