Një aksident ka ndodhur ditën e sotme në superstradën Lezhë-Laç, në afërsi të fshatit Rrile.
Në këtë aksident janë përplasur fillimisht dy automjete, por më pas është përfshirë edhe një i 3-të. Nga raportimet mësohet se si pasojë janë plagosur një grua dhe një fëmijë.
Ata janë dërguar me urgjencën në spitalin e Lezhës për ndihmë mjekësore.
Policia ka shkuar në vendin e ngjarjes dhe ka nisur hetimet për zbardhjen e shkaqeve dhe rrethanave të këtij aksidenti.
