Genc Pollo, ish-deputet, dhe anëtar i Këshillit Kombëtar të PD, ka reaguar lidhur me procesin e zgjedhjes së Presidentit të ri të Republikës.
Përmes një postimi në rrjetet sociale, Pollo shprehet se opozita mund të luajë një rol pozitiv në këtë proces, vetëm nëse do të jetë e bashkuar.
“Vetëm opozita e bashkuar mund të luajë rol pozitiv në zgjedhjen e Presidentit të Republikës”, shkruan Pollo.
Reagimi i ish-deputetit vjen në një kohë kur nga Enkelejd Alibeaj, i cili vijon të sillet si një kryetar i komanduar dhe kreu i grupit parlamentar të PD, është paraqitur një platformë me disa pika, lidhur me kriteret dhe mënyrën se si duhet të ndërtohet procesi i zgjedhjes së Kreut të ri të Shtetit në negociatat me socialistët. Platforma e Alibeajt është kundërshtuar nga disa prej deputetëve demokratë, që e kanë cilësuar si një propozim të Edi Ramës me gojën e Enkelejd Alibeajt dhe Lulzim Bashës.
