Deputeti i PS-së, Petro Koçi, duket se nuk ka të ndalur me akuzat ndaj qeverisjes lokale dhe qendrore në Fier, ku këtë radhë ka drejtuar gishtin nga administrata në Kadastrën e qytetit.
Koçi u shpreh se aty ka të punësuar disa zyrtarucë që sillen si bejlerë dhe nuk duan t’ia dinë për hallet e qytetarëve. Koçi theksoi se ata duhen zhdukur nga ato zyra dhe duhen ndëshkuar.
“Në Fier është ndryshuar drejtori i Kadastrës dhe uroj të ndryshojë menaxhimi i kësaj kadastre që është bërë gangrenë në Fier.
Ata që janë bërë bejlerë në ato zyra duhen zhdukur dhe duhen ndëshkuar. Mjafton të ndjekësh hallin e vetëm një qytetari për të kuptuar se ku qëndron e keqja.
Disa zyrtarucë nuk duan t’ia dinë por sillen si bejlerë. E ka fajin administrata që janë njerëz që mendojnë se ku bëhen pjesë e administratës mendojnë se është biznes personal dhe jo detyrim nga ligji. Uroj të kemi një situatë të re me kadastrën në Fier”, tha Koçi.
