Akademiku Neritan Ceka në një intervistë për Fax News ka folur në lidhje me projektin e Ministrisë së Kulturës për menaxhimin e Parkut të Butrintit.
Ceka u shpreh se ai nuk ka qenë kundër ligjit për menaxhimin e siteve kulturore, por personi i zgjedhur për të qendruar në krye të bordit që do të administrojë Butrintin është i kompromentuar.
Akademiku tha se ministria e Kulturës nuk ka marrë mendim nga specialistët shqiptarë, edhe pse sipas tij fondi amerikano-shqiptar i zhvillimit ka treguar se di të administrojë si duhet projekte që lidhet me artin dhe kulturën.
Sipas Cekës, dy prej anëtarëve të bordit që do të menaxhojnë Butrintin janë miq të ministres së Kulturës Elva Margariti, për të cilën tha se nuk është e prirur që të konsultohet me specialistët shqiptarë.
“E kam ndjekur me kohë projektin për Butritin, dhe si gjithmonë diskutimet janë lënë në fund. Kjo është një histori që duhet mbyllur, nuk ka pasur asnjë konsultim me specialistët, kanë alergji ndaj specialistëve shqiptarë, që krijojnë më pas dhe pakënaqësi, nuk ka asgjë personale, në institucionin e monumenteve nuk ka asnjë specialist. Është si ti besosh pallatit të ëndrrave. Ministrja nuk duhet të ishte pjesë e bordit, ministrja është jashtë çdo procesi për fat të keq.
Ministrja nuk ka sqaruar se çfarë është ky fondacion, ka PPP, ka koncensione, për shkak të qëndrimit joprofesional të Petro Koçit, kjo situatë është komplikuar pasi nuk ka asgjë sekrete. Komisioni për Ekonominë, për shkak edhe të qëndrimit të zotit Shalsi, janë dëgjuar të gjitha pretendimet, pro loigjit, por kundër mënyrës së menaxhimit. Ajo për të cilën ne nuk jemi dakord është mënyra se si do të bëhet zbatimi.
Jemi para një fondacioni që ka dhënë prova, siç është realizimi i projektit të Pazarit të Ri. Natyrisht që kemi provën tjetër që është Muzeu Marubi, që është ADF nuk na shqetëson, por në ADF janë njerëz që nuk janë garanci për zbatimin e planit. Është koha që Komisioni i Kulturës të mblidhet dhe të dëgjojë specialistët, dhe më pas të shihet nga pikëpamja e ekonomisë. Duhet korrigjuar, që Butrinti, një qytet kaon dhe epiriot, është grekë. Këtë e kanë dhënë dhe vetë studiues helenë. Kjo pikëpamje duhet të sqarohet nga Komisioni i Kulturës.
Ky është një fondacion shqiptar, nuk kishim nevojë për përfaqësues nga Anglia. Nuk u pyet Auron Tare, Neritan Ceka, që të mos ngrejmë nga varri ata që ishin të parët që kryen gërmimet. Të heqim dorë nga sofizmat amerikane, drejtori që do të menaxhojë projektin, ka bërë gërmime, me paratë e Pakard, ku janë ivestuar 500 mijë dollarë, dhe më pas e ka privatizuar.
Ka blerë tokat nga fshatarët, dhe ka shkuar më Kadastrën e Korçës që e ka hedhur në emrin e vetë. Pra ka marrë para publike, shkoni në Korçë dhe do të gjeni muzeun e Kamenicës që është bërë me para publike. Si mund ti besohet këtij personi një projekt me 7 milionë dollarë. Këto nuk janë akuza, dokumentet u janë dhënë të dyja palëve. Reziku i vetëm është vendosja e këtij personi në krye të bordit.
Nuk mund të vazhdojmë me këto logjika, ku ministrja sjell në bord miqtë e vetë, nëse duan të vënë njerëz të tillë do të kenë gjithnjë probleme.
Kishte disa rrugë për menaxhimin e Butrintit, ne kemi kërkuar krijimin e një fondacioni, Butrinti kështu qorrazi siç është nxjerr 1 milionë euro në vit, dhe këto i ka në sajë të gërmimeve arkeologjike, kemi lënë njerëz atje, kanë punuar dhe kanë vdekur atje. Unë mendoj që ky do të jetë hapi i parë, është një dritare që të eleminojë batakun që kemi në trashëgiminë kulturore”, u shpreh Ceka.
