Ish-Kryeministri Sali Berisha deklaroi mbrëmjen e sotme në “Cim Peka Live” se Edi Rama ndjehet i kërcënuar nga drejtësia, ndaj edhe ai e kërcënon.
Berisha tha se Arian Ndoji e tha hapur që ka regjistrime të Kryeministrit Edi Rama me bandat.
“SPAK është në presione të tmerrshme. Po ziejnë ato telefonat specialë “BQ”, po ju them se hetimet janë në fazën e analizimit të zërave. Në Shqipëri dalin ministra e biznesmenë, por gjithçka është në fazën e diferencimit të zërave. Janë disa shtete që i zotërojnë këto”, tha Berisha.
Ish-Kryeministri deklaroi se lidhjet e Edi Ramës janë shumë të njohura, lidhjet me George Soros janë të padiskutueshme, por mendoj se nuk do të vazhdohet të mbahet në pushtet, nga këto lidhje.
“Por gjithçka do të vendoset nga opozita, nëse do të bashkohet opozita dhe do të vihet në mbrojtje të interesave të vendit, ju garantoj se Edi Rama rrëzohet”, tha Berisha.
Sipas tij, Engjëll Agaçi dhe të tjerë të urdhëruar nga Edi Rama, i kanë dërguar aktet nga 2013 e në vazhdim, që kanë firmën e Sali Berishës, dhe s´ka gjetur asgjë, sepse kam zbatuar ligjin. “Nuk gjeni dot një grua apo burrë ministri apo ministreje që të merrnin tendera. Nuk kishte asnjë tender sekret në 8 vite, me përjashtim të rasteve që kishin të bënin me SHISH për belrjen e aparaturave. Edi Rama ka përligjur vjedhjen, ka bërë tendera sekretë në fusha si shëndetësia apo arsimi”, tha Berisha.
