Pas aksidentit të frikshëm të ndodhur ditën e djeshme, pranë Deljiorgjit ku u aksidentu a familja prej tre anëtarësh përfshirë dhe një foshnjë 3 muajshe teksa kalonin në vijat e bardha, policia ka vendosur në rang vendi me shumë se 2800 gjoba dhe masa administrative.
Gëzim Hoxha ekspert i sigurisë rrugore, në një intervistë për Syri Tv, foli më shumë në lihdje me arsyet që çojnë në këto pasoja, teksa tregoi se një nga mënyrat për të shmangur aksidente të tilla dhe për të ndërgjegjësuar sa më shumë njerëzit është rishikimi i ‘Kodit rrugor’.
“Ishte një ngjarje e dhimbshme sepse u dëmtuan 3 njerëz të pafajshëm. Kjo është normale që një fëmijë totalisht i pafajshëm të dëmtohet por ne duhet të shohim një këndvështrim tjetër.
Duhet ripunuar ‘Kodi rrugor’ sepse tashmë ai është i vjetër. Duhet ta ndërtojme atë sipas standardeve europiane sepse ne duam të shkojmë në Europë por në Europë nuk shkohet me rregulla fshatareske.
Duhet të mblidhet një grupi pune dhe të punojë kohë pas kohe me kodin rrugor.
Policët mbrëmë mund të jenë mbajtur 18 orë në punë por nuk mund ta mbash policin 18 orë në punë sepse ka kod pune dhe ai është njeri. Policët rrinë nga 13 orë nëpër kryqëzime dhe kjo nuk është normale.
Ne nuk kemi aq policë sa duhet kështu duhet një zëvendësim me teknologji, le të vendosen kamera.
Ne duhet të parandalojmë. Edhe gjoba në vetvete është e mirë sepse ësht formë edukimi. Duhet riparë ‘Kodi rrugor’ dhe duhen ashpërsuar masat. Për shembull nëse këmbësori kalon vijat e bardha duhet lënë të dalë në anën tjetër ne nuk e bëjmë këtë. Ne nuk e bëjmë këtë dhe kjo nuk është normale. Kjo është shkelje e të drejtave të njeriut”, u shpreh Hoxha .
