Policia arrestoi një person lidhur me aksidentin e ndodhur në Tiranë, në afërsi të zonës së njohur si Parku i Autobusëve, ku një mjet “G Class” ka përplasur një çift dhe foshnjen e tyre 3 muajshe, e cila ndodhej në karrocë.
Të plagosurit janë transportuar në spital, ndërsa drejtuesi i mjetit pas aksidentit është larguar nga vendi i ngjarjes, teksa ka braktisur edhe mjetin.
Të plagosurve iu dha ndihma e parë nga kalimtarë të rastit, që njoftuan ambulancën. Ndërkohë që raportohet se drejtues i automjetit që shkaktoi aksidentin ishte Ajas Sulejmeni, 39 vjeç. Nga raportimet mësohet se ai lëvizte pa patentë, e cila i ishte pezulluar pak kohë më parë për shkelje të rregullave të qarkullimit.
Ndërkohë në fotot e mëposhtme është një prej personave që u arrestua nga policia pak minuta pas ngjarjes.