Një 38-vjeçar në kërkim nga autoritetet spanjolle është arrestuar nga policia e Vlorës.
“Nga shërbimet e Seksionit për Hetimin e Narkotikëve në Drejtorinë Vendore të Policisë Vlorë, u bë kapja dhe arrestimi me qëllim ekstradimi i shtetasit A.Xh., 38 vjeç, banues në fshatin Bishan, Vlorë”, njoftoi policia.
“Ky shtetas ishte shpallur në kërkim ndërkombëtar pasi autoritetet gjyqësore spanjolle, me vendimin penal të datës 15.01.2021, kanë lëshuar urdhër arrestin ndërkombëtar, për veprat penale ‘Trafiku i narkotikëve’ dhe ‘Organizate kriminale’, parashikuar nga Kodi Penal i Spanjës”, shtuan të njëjtat burime.
