Edi Paloka u zgjodh sot Kryetar i Këshillit Kombëtar të PD, ndërsa garonte përballë Eleina Qiricit. Në një deklaratë për mediat pas shpalljes së rezultatit zyrtar, Paloka tha se më e rëndësishme se kjo zgjedhje, ishin vendimet që mori së fundmi Këshilli Kombëtar, ku u miratua rezoluta që përcakton qëndrimin e PD për zgjedhjen e Presidentit.
Paloka tha se në rezolutë përcaktohet qartazi edhe qëndrimi që duhet të mbajë grupi parlamentar pasi Këshilli Kombëtar është organi më i lartë që përcakton vendimmarrje të tilla.
“Nesër në gjithë Shqipërinë me organizimin e PD-së do të ketë një protestë të heshtur para të gjitha godinave të kosmiariateve, ku do të ndizen qirinj në kujtim të qytetarëve që kanë humbur jetën brenda qelive.
Pavarësisht se cila është e vërteta, ajo që ndodhi në Komisariatin e Kavajës, është një akt i rëndë që bën përgjegjës këtë Qeveri, Policinë e Shtetit”, tha Paloka.
