Një video e publikuar nga ish-konkurrentja e “Për’puthen”, Efi Dhedhes, ku shprehej se kishte marrë pjesë në emisionin e dashurisë me shpresën që t’i binte në sy Atdhe Xharavinës, ish-konkurrentit të sezonit të parë, bëri bujë kudo në rrjet.
“Arsyeja e vetme që unë jam futur në Për’puthen ishte Atdheu dhe prisja që ai të vinte tek unë por nuk erdhi kurrë”- thotë ajo në videon virale.
Komentet negative ndaj saj kanë qenë të shumta, por në video ka disa detaje që tregojnë se kjo është realizuar për një lojë. Siç vihet re ajo ka një mikrofon në dorë kur flet dhe mesa kuptohet në ambientin e pasëm ndodhet në studion e “E diell”. Në këtë program ka një rubrikë të quajtur “Dielli apo Hëna” ku personazhet publike bëhen pjesë e lojërave të tilla, që i kemi parë edhe më herët.
Efi ka qenë një nga të ftuarat e kësaj jave në regjistrimet e emisionit që janë realizuar më parë dhe do transmetohet të dielën. Pra e gjitha kjo ka qenë një lojë.
