Publicisti Agim Baçi, i ftuar në ORA TV, u shpreh se bojkotimi i bisedimeve për Presidentin e ri nga PD është në kundërshtim me rezolutën e votuar në Kuvendin e thirrur nga Berisha, ku thuhet se janë kundër çdo lloj bojkoti.
Baçi tha se në Kuvendin e thirrur nga Berisha është votuar një rezolutë që thuhet se janë kundër çdo llojë bojkoti, por këmbëngulin që të bojkotojnë bisedimet me Ramën. Por sipas tij, kjo ka të bëjë me atë që të tërhiqet Alibeaj dhe i vetmi promotor të mbetet Sali Berisha.
Ai thotë se përpjekja e Komisionit të Rithemelimit dhe e gjithë përpjekja e Berishës është ti japë legjitimitet gjithë lëvizjes duke u ulur me maxhorancën.
“I gjithë debati është që nëse nuk negocion Komisioni i Rithemelimit nuk ka asnjë kuptim. E gjithë përpjekja e Komisionit të Rithemelimit, e gjithë përpjekja e Berishës është ti japi legjitimitet gjithë lëvizjes duke u ulur me maxhorancën. Po e gjen rastin e Presidentit për të shmangur Alibeajn dhe të ulet vetë sepse vetëm kështu legjitimiton vetveten përballë maxhorancës si personi interikutor i opozitës me të cilin mund të bëhet marrëveshja”, tha ai.
